Юридик ва жисмоний шахслар томонидан веб сайт орқали бўлган мурожаатлар
Жами мурожаатлар: 38Ишонч телефони статистикаси
ТОШЛОҚ ТУМАНИДА ИЖТИМОИЙ ОБЪЕКТЛАРНИ ИССИҚЛИК ЭНЕРГИЯСИ БИЛАН ТАЪМИНЛАШГА ТАДБИРКОРЛАР ЖАЛБ ЭТИЛДИ
2023-10-05 08:10:32 222
Президентимизнинг “Ижтимоий соҳа объектларининг иситиш тизимларини давлат-хусусий шериклик асосида модернизация қилиш тўғрисида»ги қарорига кўра, Тошлоқ туманида иссиқлик етказиб беришда шу усул жорий этилди.
— Айни кунларда ижтимоий соҳа объектларини куз-қиш мавсумида иссиқлик энергияси билан узлуксиз таъминлаш мақсадидаги таъмирлаш ишлари деярли якунига етказилди,—дейди Тошлоқ тумани ҳокими ўринбосари Авазбек Деҳқонов. —Шу тариқа тумандаги 52 та умумтаълим мактаби, 17 та тиббиёт муассасаси ҳамда 3 та маданият ва спорт объектлари давлат хусусий шериклик тамойили асосида бошқарувга берилди.
Ҳозирда ушбу объектларда “Rayyona biznes tаʼmir” МЧЖ томонидан модернизация ишлари олиб борилмоқда. Шу кунга қадар 100 га яқин объектларда янги қозонлар ўрнатилиб, ишга туширилди. Шунингдек, 5 минг 350 тонна кўмир келтирилиб, қиш ойлари учун захира яратилди.
