1. Бош сахифа
2. Янгиликлар

ТАШАББУСЛИ БЮДЖЕТ ОРҚАЛИ 40-УМУМТАЪЛИМ МАКТАБИДА 140 ЎРИНЛИ ҚЎШИМЧА ЎҚУВ БИНОСИ БАРПО ЭТИЛМОҚДА

×

Кейинги йилларда мамлакатимизда “Ташаббусли бюджет” лойиҳасини амалга оширилиши ҳамда ушбу лойиҳа доирасида фуқароларимиз фаол иштирок этиши натижасида ҳудудларда кўплаб муаммолар ўз ечимини топмоқда. 
Ушбу лойиҳа орқали ижтимоий соҳаларда ҳам бунёдкорлик ишлари олиб борилмоқда. 
Тошлоқ туманидаги 40-умумтаълим мактабига қўшимча ўқув биноси зарурлиги боис, маҳалла аҳли ҳамда мактаб жамоаси фаоллик кўрсатиб жорий йилнинг “Ташаббусли бюджет” лойиҳасининг 1-босқичида ғолиб бўлдилар. Натижада мактабга замонавий ўқув биносини барпо этиш учун 1 миллиард 200 миллион сўм маблағ ажратилди. 
Айни кунларда бинода якуний таъмирлаш ишлари олиб борилмоқда. Мактаб жамоасини қайд этишича, ўқув биносида қурилиш ишлари тез ва сифатли бажарилмоқда.
Тез кунларда ўқувчилар учун шинам ва ёруғ синфхоналар фойдаланишга топширилади.