1. Бош сахифа
2. Янгиликлар

МАҲАЛЛАЛАРДА “ЯШИЛ МАКОН” ЛОЙИҲА КЎЛАМИ ВА ҚАМРОВИ ТОБОРА КЕНГАЙМОҚДА

×

Сўнгги йилларда давлатимиз раҳбарининг ташаббуси билан юртимизда “Яшил макон” умуммиллий лойиҳаси кенг қулоч ёймоқда. Бунинг самараси ўлароқ, шаҳар ва туманларимиз, маҳалла ва қишлоқларимизни кўкаламзорлаштириш, атроф-муҳит софлигини сақлаш, мевали ва манзарали дарахтларни кўпайтириш борасида кўзга кўринарли ишлар амалга оширилди. 
Яқинда мамлакатимиз Президенти Шавкат Мирзиёев раислигида “Яшил макон” кузги мавсумини уюшқоқлик билан ташкил этиш юзасидан ўтказилган видеоселектор йиғилишида шу йилнинг 25 октябридан бошлаб кузги дарахт экиш мавсуми эълон қилинди. 
Тошлоқ туманида ҳам “Яшил макон” кузги мавсумига алоҳида тайёргарлик ишлари олиб борилди. Айни кунларда лойиҳа доирасида тумандаги барча маҳаллаларда кўчат экиш тадбирлари ташкил этилмоқда. 
Хусусан, “Сўфилар” МФЙда аҳоли фаоллигида ҳудудларда ҳамда хонадонларда кўчат экиш тадбирлари ўтказилмоқда. Ушбу хайрли тадбирларга маҳалла фаоллари, кўчабоши ҳамда хонадон эгалари масъул сифатида бириктирилиб, мевали, манзарали кўчатлар экилмоқда.