Юридик ва жисмоний шахслар томонидан веб сайт орқали бўлган мурожаатлар
Жами мурожаатлар: 38Ишонч телефони статистикаси
ТОШЛОҚ ТУМАНИДА КУЗ-ҚИШ МАВСУМИГА ТАЙЁРГАРЛИК ИШЛАРИ ДАВОМ ЭТМОҚДА
2023-11-02 10:04:19 172
Тошлоқ туманида иқтисодиёт тармоқлари ва ижтимоий соҳаларни 2023-2024 йиллар куз-қиш даврида барқарор ишлашга тайёрлаш борасида ҳудудларда тайёргарлик ишлари олиб борилмоқда. Бу борада туманда ишчи гуруҳлари ташкил этилиб, мавсумга тайёргарлик ишлари қатъий назорат қилиб борилмоқда.
Куз-қиш мавсумига тайёргарлик ишлари туман электр таъминоти корхонаси томонидан кенг қамровда амалга оширилмоқда. Тадбирлар-режасига кўра, аҳоли яшовчи пунктларда ҳаво линиялари дарахт шохларидан тозаланиб, мавжуд трансформаторлар жорий таъмирдан чиқарилмоқда. Натижада электр энергиясининг сифатли таъминланишига эришилмоқда.
Тошлоқ тумани электр таъминоти корхонасида куз–қиш мавсумини беталафот ўтказиш бўйича жойларда қўшимча авария–тиклаш бригадалари фаолияти ташкил этилиб, эҳтиёт қисмлар захираси шакллантирилган.
