1. Бош сахифа
2. Янгиликлар

БАЙРАМ ТУҲФАСИ: ТОШЛОҚДА ОИЛАВИЙ ПОЛИКЛИНИКА ФОЙДАЛАНИШГА ТОПШИРИЛДИ

×

Ўзбекистон Республикаси Конституцияси қабул қилинганлигининг 31 йиллиги арафисида Тошлоқ туманида ҳам кўплаб ижтимоий соҳа объектлари туман аҳолиси учун байрам совғаси сифатида фойдаланишга топширилмоқда. 
Бугун “Қуйи Яккатут” МФЙ ҳудудида 54-сонли оилавий поликлиника биноси фойдаланишга топширилди. 19304 нафар аҳолига тиббий хизмат кўрсатаётган ушбу оилавий поликлиника биноси “Ташаббусли бюджет” лойиҳаси натижасида тўлиқ таъмирдан чиқарилди. Бунёдкорлик ишларига 1 миллиард 200 миллион сўм маблағ сарф этилиб,  замонавий тиббий жиҳозлар билан таъминланди.
Янги, замонавий, барча шароитларга эга оилавий поликлиника биносини очилиш маросимида туман ҳокими Абдуқаҳҳор Джурабаев иштирок этиб, ҳудуд аҳлини ушбу  маскан очилиши билан қутлади. Кейинги йилларда мамлакатимиз тиббиёт соҳасида амалга оширилаётган ислоҳотлар ҳусусида тўхталиб ўтди.
Шундан сўнг, секторлар раҳбарлари ҳамда маҳалла фаоллари иштирокида рамзий тасма қирқилиб, янги тиббиёт масканида аҳолига яратилган шароитлар билан танишилди.