1. Бош сахифа
2. Янгиликлар

ТОШЛОҚДА ҚИШЛОҚ ХЎЖАЛИГИ ХОДИМЛАРИ КУНИ МУНОСАБАТИ БИЛАН ТАНТАНАЛИ БАЙРАМ ТАДБИРИ БЎЛИБ ЎТДИ

×

Қишлоқ хўжалиги ходимлари куни муносабати билан ўтказилган байрам тадбирида соҳа илғорлари, фахрийлар, секторлар раҳбарлари, қишлоқ хўжалиги кластерлари, кенг жамоатчилик вакиллари иштирок этдилар.
Тантанада сўзга чиққан туман ҳокими Абдуқаҳҳор Джурабаев соҳа ходимларини касб байрами билан самимий муборакбод этди ва бу йилги эришилган натижаларга тўхталиб ўтди. Таъкидландики, жорий қишлоқ хўжалиги йилида Тошлоқ туманида пахта, ғалла ва пилла етиштириш шартномавий режалари биринчилардан бўлиб бажарилди. Албатта, қишлоқ хўжалигида юқори марраларни забт этишда туманимиздаги миришкор деҳқон ва фермерларнинг меҳнати ва хизматлари каттадир.
Байрам тадбирида 2023 йил туманда қишлоқ хўжалиги соҳасида муносиб ҳисса қўшган, миришкор деҳқон ва фермерлар, заҳматкаш чорвадор ва пиллакорлар, моҳир сувчи ва ирригаторлар, ўз ишининг ҳақиқий устаси бўлган механизатор ва агрономлар, отряд раҳбарлари, соҳанинг жонкуяр фидоийлар меҳнати эътироф этилди. Қишлоқ хўжалиги ходимларидан бир гуруҳи туман ҳокимлигининг фахрий ёрлиқ, ташаккурнома ва эсдалик совғалари билан тақдирландилар.
Байрам тадбири давомида таниқли санъаткорлар томонидан намойиш этилган концерт дастури барчага завқу-шавқ улашди.