1. Бош сахифа
2. Янгиликлар

ТУМАН ҲОКИМИ НАВБАТДАГИ ФУҚАРОЛАР ҚАБУЛИНИ ЎТКАЗДИ

×

Бугун Тошлоқ тумани Халқ қабулхонасида туман ҳокими Абдуқаҳҳор Джурабаев аҳоли вакилларини қабул қилди.
Қабулда тумандаги барча ташкилотлардан вакиллар иштирок этишди. Унда туманнинг турли манзилларидан келган фуқаролар мурожаатлари тингланди. Фуқароларнинг мурожаатларини батафсил ўрганиб чиқиш, қонун доирасида ижобий ҳал этиш юзасидан тегишли ташкилотларга топшириқлар берилди. 
Қабул давомида 20 нафар фуқароларнинг мурожаатлари эшитилди. Моддий ёрдам ажратиш, ишга жойлашиш, имтиёзли кредит олиш, газ, сув, электр таъминотини яхшилаш каби 5 та мурожаат жойнинг ўзида ижобий ҳал этилди. 2 нафар фуқарога моддий ёрдам ажратиш белгиланиб, қўшимча ўрганиш, муддат талаб этилган 10 таси назоратга олинди. 3 та мурожаатга атрофлича тушунтиришлар берилди.
Шунингдек, қабул сўнгида туман ҳокими кунлик ва сайёр қабуллар давомида қабул қилинган мурожаатларнинг ижобий ҳал этилиш даражасини ҳам муҳокама қилди. Белгиланган муддатда ижро этмаган, мурожаатларни ижобий ҳал этилишига бефарқ бўлган масъулларга огоҳлантиришлар берилди.