1. Бош сахифа
2. Янгиликлар

ТОШЛОҚДА ЁШЛАР БАНДЛИГИГА КЎМАКЛАШИШ МАҚСАДИДА МЕҲНАТ ЯРМАРКАСИ ЎТКАЗИЛДИ

×

Тошлоқ тумани Камбағалликни қисқартириш ва бандликка кўмаклашиш бўлими ҳамда туман Ёшлар ишлари агентлиги ҳамкорлигида ўтказилган “Меҳнат ярмаркаси”да иш билан банд бўлмаган фуқаролар, ёшлар, меҳнат миграциясидан қайтган фуқаролар, аҳлоқ тузатиш ишларига жалб этилган  ва жазони ўтаб қайтган фуқароларга тумандаги бўш иш ўринлари таклиф қилинди. 
Ўтказилган “Меҳнат ярмаркаси”да 23 та ташкилот ва корхоналар иштирок этиб, 330 дан зиёд бўш иш ўринлари билан қатнашдилар. Тадбирга 146 нафар банд бўлмаган аҳоли вакиллари жалб этилди. Шу куннинг ўзида 56 нафар фуқароларга ишлаш учун йўлланмалар берилди. Бундан ташқари 30 нафар ёшлар касб-ҳунарга жалб этилди. 18 нафари 1-КХМга пайвандчилик касбини ўрганишга, 12 нафари Тошлоқ Хизмат кўрсатиш техникумига қандолатчилик йўналишига ўқишга юборилди.