1. Бош сахифа
2. Янгиликлар

ЯНГИ ЙИЛ БАЙРАМИ МУНОСАБАТИ БИЛАН “ПРЕЗИДЕНТ АРЧАСИ” БАЙРАМ ТАДБИРЛАРИ БЎЛИБ ЎТДИ

×

Бугун Тошлоқ тумани марказида «Президент арчаси» тадбирлари юқори савияда ташкил этилиб, тадбирга ташриф буюрган Қорбобо, Қорқиз ҳамда эртак қаҳрамонларининг чиқишлари болажонларга ҳақиқий байрам кайфиятини улашишди.      Байрам тадбирида туман ҳокими Абдуқаҳҳор Джурабаев ҳамда секторлар раҳбарлари қатнашиб, туман аҳлини  Янги йил байрами билан самимий муборакбод этдилар. Туман ҳокими ортда қолаётган йилимиз туманимиз учун улкан ютуқлар, муваффақиятлар, шунингдек, ўзгаришлар, хайрли воқеалар йили сифатида тарих саҳифаларида муҳрланаётганлигини таъкидлаб ўтди. 
Туман маданият бўлими ходимлари томонидан намойиш этилган концерт дастури барчага янги йил қувончини улашди. Шундан сўнг, барча болажонларга байрам совғалари топширилди.