1. Бош сахифа
2. Янгиликлар

ТОШЛОҚ ТУМАНИДА “МАҲАЛЛАДА ДУВ-ДУВ ГАП” ТАДБИРЛАРИ ДАВОМ ЭТМОҚДА

×

“Янги ҳаёт учун, янги Ўзбекистон учун!” шиори остида мамлакатимизда маънавий-маърифий тадбирлар орқали ёшларга юртимизда олиб борилаётган изчил ислоҳотлар, эришилаётган ютуқлар ҳақида кенг маълумот бериш, уларда Ватанга муҳаббат, халқимизга садоқат ҳиссини янада кучайтириш, тарбиясига салбий таъсир этувчи ғоявий таҳдидларга қарши иммунитетни мустаҳкамлаш, ёшларни илм-фанга, маърифатга тарғиб қилиш баробарида маърифатли жамият қуриш, улар қалбида Янги Ўзбекистонни барпо этишдаги дахлдорлик ҳиссини кучайтириш мақсадида маънавий-маърифий, маданий тадбирлар давом этмоқда. 
Туман ҳокимлиги, Республика Маънавият ва маърифат маркази Тошлоқ  туман бўлинмаси, Ёшлар ишлари Агентлиги туман бўлими, туман маданият бўлими, туман Ахборот кутубхона-маркази ҳамкор ташкилотлар билан биргаликда  "Садда" маҳалла фуқаролар йиғинида аҳоли вакиллари иширокида “Янги ҳаёт учун, янги Ўзбекистон учун!” шиори остидаги “Маҳаллада дув-дув гап”  маънавий-маърифий, маданий тарғибот тадбири ўтказилди.
Тадбирда сўзга чиққанлар мамлакатимизда олиб борилаётган кенг кўламли ислоҳотлар, аҳолининг ҳаёт тарзини янада яхшилашга қаратилган амалий ишлар, жамиятда хотин-қизлар ўрни, халқимизга, айниқса, ёшларимизга яратилиб берилаётган шароитлар ҳақида гапириб ўтдилар.
Концерт дастури тадбир иштирокчиларига кўтаринки кайфият бағишлади.