1. Бош сахифа
2. Янгиликлар

ЎЗБЕКИСТОН РЕСПУБЛИКАСИ ҚУРОЛЛИ КУЧЛАРИ ТАШКИЛ ЭТИЛГАНИНИНГ 32 ЙИЛЛИГИ ҲАМДА 14 ЯНВАРЬ – ВАТАН ҲИМОЯЧИЛАРИ КУНИ ТОШЛОҚ ТУМАНИДА КЕНГ НИШОНЛАНДИ.

×

Президентимизнинг “Ўзбекистон Республикаси Қуролли Кучлари ташкил этилганлигининг 32 йиллигини ҳамда Ватан ҳимоячилари кунини нишонлашга тайёргарлик кўриш ва ўтказиш чора-тадбирлари тўғрисида”ги фармойишига кўра, Ўзбекистон Республикаси Қуролли Кучлари ташкил этилганлигининг 32 йиллиги ва Ватан ҳимоячилари куни мамлакатимизда кенг нишонланмоқда.
Бугун Тошлоқ туманида сана муносабати билан туман марказида офицер, сержант ва аскарларнинг оркестр садолари остидаги ҳарбий паради бўлиб ўтди. Шундан сўнг, Ватан ҳимоячилари кунига бағишланган байрам тадбири 2-умумтаълим мактабида давом этди. Концерт дастурлари, кўргазмали спорт ўйинлари ташкил этилиб, ҳарбий қурол-аслаҳалар намойиши байрам иштирокчиларида жуда катта таассуротлар қолдирди. 
Байрам тадбирида ёшлар, мудофаа ҳамда ички ишлар бўлимлари, прокуратура ходимлари, ҳарбийлар, секторлар раҳбарлари, кенг жамоатчилик вакиллари иштирок этди. Дастлаб, туман ҳокими Абдуқаҳҳор Джурабаев сўзга чиқиб, барчани 14 январь – Ватан ҳимоячилари куни ва Қуролли Кучлар ташкил этилганлигининг 32 йиллиги байрами билан самимий муборакбод этди. Мамлакатимизда миллий армиямиз изчил ривожланиб бораётганини, унинг жанговар қобилияти ортиб, мудофаа қудратимиз мустаҳкамланаётгани, халқимизнинг осойишта ҳаёти таъминланаётганини таъкидлаб ўтди. Тадбирда “Нуроний” жамғармаси вилоят бўлими раиси Зокиржон Раҳмонов ҳамда Маънавият ва маърифат маркази вилоят бўлими раҳбари Маъсуджон Сулаймоновлар сўзга чиқиб  барчани байрам билан табрикладилар. Муҳтарам Президентимиз раҳнамолигида миллий мустақиллигимизни мустаҳкамлаш, чегараларимиз дахлсизлигини сақлаш, фуқароларимизнинг тинч ва осуда ҳаётини таъминлаш мақсадида амалга оширилаётган кенг кўламли ислоҳотлар ҳақида таъкидлаб ўтдилар.
Тадбирда бир гуруҳ ҳарбий хизматчилар ҳамда меҳнат фахрийлари туман ҳокимининг ташаккурномалари ва қимматбаҳо совғалари билан тақдирланди.
Шундан сўнг, байрам тантаналари санъаткорларнинг ватанни мадх этувчи, мардлик ва жасурликни улуғловчи концерт дастури билан давом этди.