1. Бош сахифа
2. Янгиликлар

МАКТАБЛАРДА ИСИТИШ ТИЗИМИ УЗЛУКСИЗЛИГИ ТАЪМИНЛАНМОҚДА

×

Маълумки, Ўзбекистон Республикаси Президентининг “Ижтимоий соҳа объектларининг иситиш тизимларини давлат-хусусий шериклик асосида модернизация қилиш тўғрисида”ги қарорига кўра, тумандаги ижтимоий соҳаларда истиш тизимини яхшилаш ишлари давлат-хусусий шерикчилик асосида амалга оширилмоқда. 
Тошлоқ туманидаги барча умумтаълим мактабларини қиш мавсумида иссиқлик тизимини барқарор ишлашини таъминлаш мақсадида “Rayyona biznes ta'mir” масъулияти чекланган жамияти томонидан тизимли ишлар олиб борилмоқда. 
Тадбиркор томонидан шу кунга қадар 72 та ижтимоий соҳа объектига 157 та иситиш қозонлари ўрнатилди ҳамда иситиш тизими тўлиқ янгиланди.
Тумандаги 4- ҳамда 5-умумтаълим мактабларида куз-қиш мавсумига тайёргарлик кўриш жараёнида иситиш тизимлари тўлиқ таъмирланиб, мавжуд иситиш қозонлари янги замонавийларига алмаштирилди. Айни кунларда тизим кўмир маҳсулоти ёрдамида иситилмоқда. Мактабдаги синфхоналарда иссиқлик бир меъёрда сақлаб турилибди.   
Корхонамиз томонидан тузилган ишчи гуруҳ томонидан мактаблардаги иситиш тизимлари доимий равишда назоратга олинган, - дейди  “Rayyona biznes ta'mir” МЧЖ раҳбари Мирқодир Бобоқулов. -Ўқувчилар мактабга келганида синфхоналарни иссиқ холатда сақлаб туриш мақсадида иситиш қозонхоналари тўлиқ ишламоқда. Хозирда синфхонларда ҳаво ҳарорати 20-22 даражани кўрсатмоқда. Ёшлармизни билим олишлари учун етарли шароитлар яратиб берилмоқда.