1. Бош сахифа
2. Янгиликлар

“Пиёзчилик” маҳалласида “Обод хонадон – обод кўча – обод маҳалла” мезонларини жорий этиш мақсадида кенг кўламдаги бунёдкорлик ишлари амалга оширилмоқда.

×

Айни кунларда ушбу маҳаллада электр ва сув таъминоти тизимларини янада яхшилаш, маҳалла фуқаролар йиғини биносини қуриш, пиёдалар йўллагини барпо этиш каби қатор ободонлаштириш ишлари соҳа мутасаддилари томонидан тизимли бажарилмоқда.
Маҳаллада истиқомат қилувчи 12 та кам таъминланган оилаларнинг турмуш шароитини яхшилашга ҳам катта эътибор қаратилмоқда. Уларнинг яшаш хонадонларида қурилиш ва таъмирлаш ишлари кенг кўламда олиб борилмоқда. Маҳалланинг “Истеъдод” кўчаси, 28-хонадонда истиқомат қилувчи Холисхон Мирзаҳалилова 1-гуруҳ ногирони. Шу боис “Аёллар дафтари”га рўйҳатга олинган. Доимий равишда маҳалла ва ҳомийлар томонидан қўллаб-қувватлаб келинади.
-Оилада боқувчимиз йўқ. Ўзим бранхиал астма касаллига чалинганман. Уйимиз нураб, бир аҳволга келиб қолган эди. Маҳалламиз Дастурга тушгач, хонадонимизни ҳомийлар кўмагида мукаммал таъмирдан чиқариб, замонавий қиёфага келтириб беришаётганидан жуда ҳам хурсандман. Яна ховлимиз четига тандир ва ўчоқлар қуриб беришди. Президентимизга ҳамда ҳомийларга ўз миннатдорчилигими билдираман. 
Маҳалланинг “Истеъдод” кўчаси 19-уйида Аҳаджон Акбаров истиқомат қилади. Тақдир синовлари туфайли у оғир дардларга чалинган. Доимий даволанишга муҳтож. Эҳтиёжманд оиланинг яшаш хонадонларида ҳам мукаммал таъмирлаш ишлари олиб борилмоқда.