1. Бош сахифа
2. Янгиликлар

МУНИС ВА МЎЪТАБАР ХОТИН-ҚИЗЛАРГА ЮКСАК ҲУРМАТ-ЭҲТИРОМ КЎРСАТИЛДИ

×

Аёл борки, олам мунаввар, аёл борки, ҳаёт гўзал ва мафтункор. Инсон, оила, аёл тушунчаларини бир-биридан ажралган ҳолда тасаввур этиб бўлмайди. Гўзаллик, нафосат, янгиланиш, ҳаёт давомийлиги баҳор ва аёл тушунчаларида уйғунлашиб кетади. 
Бугун Тошлоқ туманида 8 март – Халқаро хотин-қизлар куни муносабати билан байрам тадбири ўтказилди.
Тумандаги фаол, турли соҳаларда меҳнат фаолиятини олиб бораётган хотин-қизлар иштирок этган тадбирда сўз олганлар юртимизда хотин-қизлар манфаати йўлида амалга оширилаётган ислоҳотлар, улар учун яратилаётган шарт-шароитлар ҳақида тўхталиб ўтдилар ва дилбар аёлларни байрам билан қутладилар.
Тўкин дастурхон атрофида туман Маданият бўлими ходимлари томонидан янграган дил изҳорлари шўх куй-қўшиқларга уланди. Бахтиёр чеҳраларда бу каби эътибор ва меҳрдан миннатдорлик, бугунги дориломон кунларга шукроналик, мамнунлик ҳисси туйилди.