1. Бош сахифа
2. Янгиликлар

ҲЕЧ КИМ ЭЪТИБОРДАН, МЕҲРДАН ЧЕТДА ЭМАС

×

Туман прокуратураси ташаббуси билан “Наврўз” умумхалқ байрами ҳамда муборак Рамазон ойи муносабати билан уй таълимида ўқитилаётган имконияти чекланган болалар учун байрам тадбири ташкил этилди.
Тошлоқ туманидаги “Баркамол авлод” болалар мактабида умумий ўрта таълим мактабларида уй таълимида тарбияланаётган болалар учун “Ҳамиша эъзоздасиз азиз болажонлар!” мавзусида қизиқарли тадбирлар бўлиб ўтди. Тадбирда болажонлар малакали шифокорлар томонидан тиббий кўрикдан ўтдилар. Шундан сўнг, туман маданият бўлими томонидан тайёрланган концерт дастури иштирокчиларда ўзгача шукуҳ бағишлади. Болажонлар учун “Баркамол авлод” болалар мактаби ижодкорлари томонидан қўғирчоқ театри намойиш этилди. Тадбирда туман ҳокими Абдуқаҳҳор Джурабаев ҳамда туман прокурори Шуҳратжон Мусаевлар сўзга чиқиб, барчани байрам билан муборакбод этдилар ҳамда давлатимиз томонидан ёшларга берилаётган имкониятлар, хусусан уй таълимида тарбияланаётган болажонларга алоҳида эътибор қаратилиб, барча шароитлар яратиб берилаётганлигини таъкидлаб ўтдилар.
Шу куни туман прокурори катта ёрдамчиси Х.Қурбонов ҳамда мактабгача ва мактаб таълими бўлими мудири А.Солиевлар тумандаги жисмоний имконияти чекланган, якка тартибда таълим олувчи болаларнинг хонадонларига бориб, уларнинг ҳолидан хабар олдилар.  Болажонларни байрам билан табриклаб уларга совға улашдилар.