1. Бош сахифа
2. Янгиликлар

Тошлоқда “Маҳалла тизими ходимлари куни” муносабати билан байрам тадбири ташкил этилди.

×

Унда сектор раҳбарлари, маҳалла тизимида фаолият юритиб келаётган ходимлар, нуронийлар, маҳалла фаоллари иштирок этдилар.
Тадбирда сўз олганлар барча маҳалла фаолларини байрам билан самимий муборакбод этдилар. Маҳаллалар равнақи ва фаровонлиги йўлида олиб бораётган келгуси фаолиятларида омад тиладилар.
Бугунги кунда туманда 51 та МФЙлар фаолият юритиб, ҳар бир оилада ва бутун жамиятимизда ижтимоий-маънавий муҳитни мустаҳкамлаш, ёш авлодни ҳам маънан, ҳам жисмонан баркамол этиб тарбиялаш, оилавий низоларнинг олдини олиш каби кўплаб вазифаларни шараф билан бажариб келмоқдалар.
Байрам тадбирида маҳалла фаоллари ва маслаҳат кенгаши аъзоларининг бир гуруҳига туман ҳокимининг ташаккурномалари ва эсдалик совғалари топширилди.
Тадбир доирасида байрам дастурхони ёзилди ва туман маданият бўлими ижодкорлари томонидан куй-қўшиқлар ижро этилиб, йиғилганларга баҳорий кайфият улашилди.