1. Бош сахифа
2. Янгиликлар

Тошлоқ туманида ёшларга ер майдонлари ажратиб берилмоқда

×

   Хабарингиз бор, жорий йилнинг 12 февраль куни ёшлар бандлигини таъминлаш масалаларига бағишланган йиғилишда Давлатимиз раҳбари томонидан қишлоқ хўжалигидан ер ажратиш орқали ёшларни иш билан таъминлаш юзасидан топшириқлар берилган эди.
Ушбу топшириқлар ижросидан келиб чиқиб, Ўзбекистон Республикаси Президентининг "Ёшларга ер ажратиш орқали уларнинг даромадларини ошириш ва бандлигини таъминлаш, шунингдек янги ер майдонларини ўзлаштириш чора-тадбирлари тўғрисида" 2024 йил 5 апрелдаги ПҚ-153-сон қарорига асосан Тошлоқ туманида ҳам деҳқончилик қилиш истагини билдирган ёшларга 30 йил муддатга ижара асосида берилиши белгиланди.
Хусусан, бугун тумандаги «Найманбўстон» МФЙда туман ҳокими бошчилигида, туман Қишлоқ хўжалиги бўлими ва Ёшлар ишлари бўлими томонидан ёшлар бандлигини таъминлаш, уларни ердан самарали фойдаланган ҳолда мўмай даромад олишларини йўлга қўйиш мақсадида ушбу маҳалла ҳудудидаги 3,8 гектар унумдор ер майдонидан 19 нафар ёшларга ижара асосида ер ажратиб берилди.
Ёшлар бу каби ишлардан миннатдор эканликларини билдириб, келгусида ушбу ерлардан оқилона фойдаланиб оилавий даромадларини оширишда уларга берилган энг яхши имконият эканини таъкидлаб ўтишди.