1. Бош сахифа
2. Янгиликлар

ТОШЛОҚ ТУМАНИ ҲОКИМИНИНГ ФУҚАРОЛАР МУРОЖААТЛАРИ ЮЗАСИДАН ҚАБУЛИ ЎТКАЗИЛДИ

×

Бугун барча давлат идоралари фаолиятида аҳолининг мурожаатлари билан ишлаш бўйича сифат жиҳатидан мутлақо янги тизим яратилди. Жойларда ўтаётган сайёр қабуллар халқнинг дардини эшитиш, уларнинг муаммоларини ҳал этишда, шак-шубҳасиз, кутилган натижаларни бермоқда.
Тошлоқ тумани ҳокими Абдуқаҳҳор Джурабаевнинг туман Халқ қабулхонаси биносида навбатдаги фуқаролар қабули бўлиб ўтди.
Қабулда туман Халқ қабулхонаси мудири, тегишли ташкилот, корхона раҳбарлари ҳамда фуқаролар иштирок этди.
Қабулда асосан моддий ёрдам тайинлаш, ишга жойлашиш, даволаниши учун моддий ёрдам ажратиш, газ баллони билан таъминлаш, электр энергияси таъминотидаги муаммолар, суд-ҳуқуқ масалалари билан боғлиқ муаммолари каби ўзларини қийнаётган масалалар бўйича 39 та мурожаатлар тушди.
Мурожаатлардан 18 таси жойида ҳал этилди, қўшимча ўрганишни талаб қиладиган мурожаатлар ижроси юзасидан туман ҳокими томонидан мутасаддиларга манзилли кўрсатмалар берган ҳолда алоҳида назоратга олинди.