1. Бош сахифа
2. Янгиликлар

ТОШЛОҚ ТУМАНИДА СЕКТОР РАҲБАРЛАРИНИНГ САЙЁР ҚАБУЛИ БЎЛИБ ЎТДИ

×

Бугун 2-сектор ҳудудидаги “Чуқурқишлоқ” маҳалласида туман сектор раҳбарларининг фуқаролар сайёр қабули ўтказилди. Қабулда туман ҳокими Абдуқаҳҳор Джурабаев, туман прокурори Шухратжон Мусаев ҳамда туман ИИБ бошлиғи Авазбек Каттабековлар фуқаролар мурожаатларини тингладилар.
Қабул давомида 25 нафарга яқин фуқаролар мурожаатлари сектор раҳбарлари ҳамда масъуллар иштирокида кўриб чиқилди.
Фуқароларнинг мурожаати асосан йўлларни таъмирлаш, тоза ичимлик суви таъминотини яхшилаш, уй-жой билан таъминлаш, тиббий хизмат кўрсатиш сифатини яхшилаш ва тадбиркорликни ривожлантириш, ишга жойлашиш каби муаммолар ҳақида бўлди.
Жойида ҳал этиш имкони бўлган мурожаатлар юзасидан талаблар қаноатлантирилди. Атрофлича ўрганишни тақозо этадиган долзарб масалаларни ҳал этиш юзасидан ечимини топиш ваколатига эга бўлган корхона, ташкилот, муассасаларга муддат белгиланиб, тегишли органлар томонидан назоратга олинган ҳолда топшириқлар берилди.