1. Бош сахифа
2. Янгиликлар

БУГУН ТОШЛОҚ ТУМАНИДА "ЁШ ГВАРДИЯЧИЛАР" СИНФИ ОЧИЛДИ

×

Ўқувчи-ёшларни ҳарбий ватанпарварлик руҳида тарбиялашга қаратилган чора тадбирлар доирасида Мактабгача ва мактаб таълими вазирлигининг “Умумий ўрта таълим мактабларида “Ёш гвардиячилар” ихтисослаштирилган синфлари фаолиятини ташкил этиш чора-тадбирлари тўғрисида”ги қўшма қарори ижросини таъминлаш юзасидан салмоқли ишлар амалга оширилиб, Тошлоқ туманидаги 3-умумтаълим мактабида  "Ёш гвардиячилар"  синфи ташкил этилди.
Тадбирда Миллий гвардия Фарғона вилояти бўйича бошқармаси бошлиғининг болалар билан ишлаш бўйича ўринбосари Подполковник К.Тошматов, Республика Нуроний жамғармаси бўлим бошлиғи, профессор Н.Мусаева, Нуроний жамғармаси вилоят бошқармаси бошлиғи З.Рахмонов, туман ҳокимининг ўринбосари Э.Мадаминов ва туман мактабгача ва мактаб таълими бўлими бошлиғи А.Солиев ҳамда кенг жамоатчилик вакиллари, ота-оналар иштирок этишиб, ўзларининг самимий  фикрларини билдириб ўтишди.
Таъкидлаш ўринлики, эндиликда ушбу синфларда таълим оладиган ўқувчиларга ҳарбий билим ва кўникмалар ҳам ўргатилиб, уларда Ватанпарварлик руҳи янада мустаҳкамланади. Юртга, Ватанга муносиб фарзанд бўлиш учун ҳар томонлама етук бўлиб улғаядилар.