1. Бош сахифа
2. Янгиликлар

Тошлоқда ДХХ кубоги финал учрашуви чинакам ёшлар байрамига айланди

×

Тошлоқ туманида маҳалла ёшлари ўртасида спортнинг футбол тури бўйича “Давлат ҳавфсизлик хизмати кубоги” мусобақаларининг туман босқичи якунига етди.
Ўтказилган ДХХ бошлиғи кубоги баҳсларида тумандаги барча маҳалла жамоалари иштирок этишди. Финал ўйинида олдинги босқичларда муваффақият қозонган  “Найман” ва “Қумқишлоқ” маҳаллаларидаги ёшлардан иборат жамоалар тўп сурдилар.
Муросасиз баҳсда 1-сектор ҳудудидаги “Найман” маҳалласининг ёшлари ғалаба қозонишди ва туман чемпиони сифатида мусобақанинг вилоят босқичига йўлланма олишди. 
Cпортнинг мини футбол ва футбол тури бўйича ғолибликни қўлга киритган маҳалла фуқаролар йиғини жамоалари: 
“Мини футбол” тури бўйича:1-ўрин “Сўфилар” МФЙ (3-сектор).2-ўрин “Садда” МФЙ (3-сектор).3-ўрин “Чек” МФЙ 1-сектор).
“Футбол” тури бўйича:1-ўрин “Найман” МФЙ (1-сектор).2-ўрин “Қумқишлоқ” МФЙ (2-сектор).3-ўрин “Хотинқуми” МФЙ (3-сектор).
Қизлар ўртасида “Мини футбол” тури бўйича:1-ўрин “Қипчоқариқ” МФЙ (4-сектор).2-ўрин “Чек” МФЙ (1-сектор).3-ўрин “Ахшак” МФЙ (3-сектор).
Мусобақа якунида туман ҳокими Абдуқаҳҳор Джурабаев, сектор раҳбарлари ҳамда ДХХ Марғилон шаҳар бўлими бошлиғи Ойбек Фармонов ғолибларга диплом ва қимматбаҳо эсдалик совғалар топширдилар.