1. Бош сахифа
2. Янгиликлар

ШОДЛИК МАҲАЛЛАСИДА МОҲИР УСТАЛАР ТОМОНИДАН СИФАТЛИ МЕБЕЛЛАР ИШЛАБ ЧИҚАРИЛМОҚДА

×

Тошлоқ туманидаги Шодлик МФЙда фаолият юритаётган ёш тадбиркор Шуҳратжон Комиловнинг мебель устахонасида турфа мебеллар ишлаб чиқариш йўлга қўйилган. У асосан буюртма орқали барча турдаги мебель жиҳозларини замонавий, бир-бирини такрорламайдиган қилиб ясаб беришга интилади.
- Айни кунда ишлаб чиқариш тармоғини ривожлантириш, маҳсулот турларини кўпайтириш, сифатини яхшилашга алоҳида эътибор беряпмиз. Ишлаб чиқариш устахонамизда асосан оилавий меҳнат қиламиз. Бундан ташқари 4 нафар ёшларни иш билан таъминлаганмиз. Уларга иш кўламига қараб маош берилади. Бу соҳадан оиламизни ўртача ойлик даромади 30-40 миллионни ташкил қилади,-дейди тадбиркор Ш.Комилов.
- Тадбиркорга кўмак бериш учун ўтган йили 33 миллион сўм имтиёзли кредит ажратилган. Бунинг эвазига қўшимча ускуналар сотиб олиб ўрнатган ҳунарманднинг ишлаб чиқариш сифати ортиб иш кўлами янада кенгайди,-дейди маҳалла ҳоким ёрдамчиси Дилшоджон Бойматов.