1. Бош сахифа
2. Янгиликлар

“Адлия  куни” тадбирида аҳолининг  ҳуқуқий муаммолари ўрганилди ва амалий кўмак берилди.   

×

Тошлоқ туманининг "Хонариқ" МФЙ ҳудудида “Адлия куни” тадбири ўтказилиб,  фуқароларнинг ҳуқуқий муаммолари юзасидан ҳуқуқий тушунтириш ишлари олиб борилди.
Унда Тошлоқ туман адлия бўлими, ФҲДЙ бўлими, ДХМ, “Мадад” ННТ ва Аҳоли бандлигига кўмаклашиш маркази ва бошқа ташкилотлар иштирок этди. Тадбир давомида масъул ходимлар томонидан фуқароларнинг муаммолари тингланди.
Иштирокчиларга ёшлар ва хотин-қизлар, ижтимоий ҳимояга муҳтож аҳоли қатламлари учун имтиёзлар ва моддий ёрдам бериш, иш билан таъминланиш, мутахассислик бўйича қайта ўқитиш ва ижтимоий ёрдам олиш тартиблари ҳақида тушунтиришлар берилди.
Тадбир давомида сайёр қабул ташкил этилиб, 50 га яқин мурожаатлар қабул қилинди. Мурожаатларнинг кўпчилик қисми жойида ҳал этилиб, айрим мурожаатлар кўриб чиқиш ва ҳал этиш учун иш юритувга олинди. 
Бундан ташқари, фуқароларга 80 дан ортиқ сайёр давлат хизматлари кўрсатилди.
Тадбир сўнгида вилоят адлия бошқармаси ҳамда Тошлоқ туман адлия бўлими ходимлари томонидан қонунчиликдаги янгиликларини аҳолига тушунтириш ва ҳуқуқий масалаларда юридик ёрдам кўрсатиш мақсадида 200 дан ортиқ хонадонга уйма-уй юрилиб, аҳолининг  кўплаб ҳуқуқий масалалари ўрганилди.