1. Бош сахифа
2. Янгиликлар

МАҲАЛЛАЛАРДА МАЪНАВИЙ-МАЪРИФИЙ ТАДБИРЛАР БЎЛИБ ЎТМОҚДА

×

Шу кунларда Тошлоқ туманида Ватанимиз мустақиллигининг ўттиз уч йиллигини муносиб кутиб олиш мақсадида “Биз бир бўлсак ягона халқмиз – бирлашсак Ватанмиз!” шиори остида маънавий-маърифий тадбирлар кенг кўламда ўтказилмоқда.
Туман ҳокимлиги ҳамда Республика Маънавият ва маърифат маркази туман бўлинмаси ташаббуси билан “Арабмазор” маҳалласида “Маънавият фестивали” доирасида ўтказилган тадбирда сўз олганлар юртимизда ҳар соҳада амалга оширилаётган ислоҳотлар самараси, янгиланаётган маҳалла ва қишлоқлар, уларда юртдошларимиз ижтимоий муҳофазаси, ёшлар таълим-тарбияси, жамиятимизда хотин-қизлар фаоллигини ошириш, умуман, шу юртнинг ҳар бир фуқароси қалбида дахлдорлик ҳиссини уйғотиш каби жиҳатларни алоҳида эътироф этдилар.
Тадбир сўнгида аҳолига байрамона кайфият улашиш мақсадида туман Маданият бўлими томонидан концерт дастури намойиш этилди.