1. Бош сахифа
2. Янгиликлар

МАҲАЛЛАЛАРДА БАЙРАМ ШУКУҲИ

×

Тошлоқ тумани “Найманбўстон” маҳалла фуқаролар йиғинида Ўзбекистон Республикаси Мустақиллигининг 33 йиллиги муносабати билан  "Биз бир бўлсак ягона халқмиз – бирлашсак Ватанмиз!” шиори остида  “Маънавият фестивали” доирасида тадбир бўлиб ўтди. 
Фестивал доирасида маҳаллаларда ўтказилаётган лойиҳалар аҳоли, айниқса ёшлар қалбида миллий ғурурни шакллантириш, ватанпарварлик туйғусини янада кучайтириш, миллий урф-одатларимиз, анъана ва қадриятларимизга бўлган чексиз ҳурматни янада мустаҳкамлашга хизмат қилмоқда. Тадбирда сўз олганлар маҳалла аҳлини энг улуғ ва энг азиз айём билан қизғин табрикладилар. 
Мазкур фестивалда туман ҳокимлиги, Маданият бўлими, Ўзбекистон маҳаллалар уюшмаси туман бўлими, Республика маънавият ва маърифат маркази туман бўлинмаси, Ёшлар ишлари агентлиги туман бўлими ҳамда бошқа ҳамкор ташкилотлар иштирок этди.
Мустақиллик оқшомлари тумандаги ҳар бир маҳаллаларда ана шундай кўтаринкилик билан бўлиб ўтмоқда.