1. Бош сахифа
2. Янгиликлар

ТОШЛОҚ ТУМАНИДА МУСТАҚИЛЛИК БАЙРАМИ КЎТАРИНКИЛИК БИЛАН НИШОНЛАНДИ

×

   йни кунларда мамлакатимиз мустақиллигининг 33 йиллик қутлуғ шодиёналари юртимиздаги ҳар бир оила, инсон қалбига ўзгача қувонч улашаётир. 
Мустақиллик куни тантаналари Тошлоқ туманида ҳам кенг нишонланди. Туман марказий ўйингоҳида бўлиб ўтган асосий байрам шодиёнаси барча тошлоқликлар ҳамда меҳмонларга чексиз қувонч бахш этди.
Байрамни туман ҳокими Абдуқаҳҳор Джурабаев кириш сўзи билан очиб, барчани энг улуғ, энг қутлуғ айём - Мустақиллик байрами билан табриклади. Истиқлол йилларида мамлакатимизда, хусусан, туманда бунёдкорлик, саноат, қишлоқ хўжалиги, халқимиз турмуш фаровонлигини юксалтириш борасида кенг кўламли ишлар олиб борилганлигини таъкидлади.
Шундан сўнг, жонажон юртимиз—Ватанни ва бағрикенг, танти элимизни мадҳ этувчи куй-қўшиқлар янгради. Байрам дастури сўнгида вилоятимиз хонандалар, шунингдек, пойтахтдан ташриф буюрган таниқли санъаткорлар йиғилганларга байрам кайфиятини улашишди.
Мушаклар эса Мустақиллик байрами осмонига турфа ранглар қўшди.
Байрам тантаналари туманимиз маҳаллалари, маданият ва санъат масканлари, хиёбонлар, корхона ва ташкилотларда давом этади.