1. Бош сахифа
2. Янгиликлар

САДОҚАТНИНГ FАЛАБАСИ

Садоқатнинг ғалабаси

   Коллежимизда иқтидорли, истеъдодли ва билимга чанқоқ ўқувчиларимиз кўпчиликни ташкил этади. Уларнинг ҳар бир эришган ютуқларини биз устозлар меҳнатимиз учун берилган мукофотдек қабул қиламиз. Яқинда яна бир қувончли воқеанинг шоҳиди бўлдик. Битирувчи талабаларимиздан Садоқат Ҳалилова “Коррупция – адолат кушандаси” мавзусида ўтказилган иншолар танловининг туман ва вилоят босқичларидан юқори натижалар билан ўтиб, республика босқичидан ҳам юзимизни ёруғ қилиб қайтди.

    “Биз ёшлар юртимизга хизмат қилишда виждонли, инсофли ва ҳалол бўлишимиз шарт” шиори остида ўтказилган танловнинг республика босқичида “Коррупцияга нисбатан энг муросасиз муносабат” номинациясида 3-ўринни эгаллаб, коллежимиз нуфузини яна бир бор оширди.

   Диплом ва эсдалик совғалари билан қайтган ўқувчимизни катта тантана билан қарши олдик. Мустақил ҳаёт остонасида турган С. Ҳалиловага бунданда юксак марралар насиб этиши, олий ўқув юрти талабаси бўлиб, ўзи орзу қилганидек ота-онаси каби етук педагог бўлиши йўлида омад ва зафарлар ёр бўлишини тилаб қоламиз.

С. Қодирова,

Тошлоқ агросаноат касб-ҳунар коллежи АРМ раҳбари.