1. Бош сахифа
2. Янгиликлар

ҚИШЛОҚ ХЎЖАЛИГИ ТЎКИНЧИЛИГИМИЗГА ХИЗМАТ ҚИЛАДИ

ҚИШЛОҚ ХЎЖАЛИГИ

ТЎКИНЧИЛИГИМИЗГА ХИЗМАТ ҚИЛАДИ

Бозорларимизнинг арзон, дастурхонимизнинг тўкин, турмушимизнинг фаровон бўлишида қишлоқ хўжалиги соҳасида етиштирилаётган маҳсулотлар асосий ўрин тутади. Айниқса буғдойдан бўшаган майдонларда деҳқончилик қилиб турли маҳсулотлар етиштириш ҳам ердан унумли, 2-3 мартадан фойдаланишни таъминлаш билан биргаликда юқоридаги эзгу мақсадга хизмат қилади.

Туманимиз бўйича жорий йилда 5200 гектар буғдойдан бўшаган майдонларга такрорий экинлар экиш режалаштирилган. Жумладан 1296 гектар ерда сабзавот, 373 гектар ерда картошка, 31 гектар ерда кунгабоқар, 1790 гектар ерда дуккакли экинлар, шунингдек шоли, озуқабоп экинлар етиштирилади. Халқимизда иккинчи нон саналган картошка етиштириш бўйича шу кунгача 70 гектарга яқин ерга картошка уруғи қадалди. Жумладан “Ҳабибахон Илёс саховати”, “Аҳмад Муҳаммад Тоҳир”, “Нурли Шоҳруз Шаҳбоз” сингари фермер хўжаликларида картошка парвариши ҳам қизғин бошлаб юборилди.

Дуккакли экинлардан ҳисобланган мош, ловия етиштириш борасида кўплаб фермер хўжаликларимизда етарли тажриба тўплаб улгурилган. Буни шу кунгача туман бўйича 1200 гектардан ортиқ майдонга мош, ловия экилганлигидан ҳам билиб олиш мумкин. Варзакдаги “Муқаддас” фермер хўжалигида 6, Ахшакдаги “Собир ота” фермер хўжалигида 10,  “Тоғлиқ омад” фермер хўжалигида 3 гектар ерга экилган дуккакли экинлар парвариши қизғин олиб борилаётган бўлса “Тошлоқ Хумоюн Сарвар”, “Жасурбек фаровон замин” сингари фермер хўжаликларида ҳам режалаштирилган майдонларга дуккакли экинларнинг ўз вақтида қадалганлигини таъкидлаш жоиздир.

Бир сўз билан айтганда бу йил туманимизда ғалласи йиғиштириб олинган майдонларга режали асосда экинларнинг экилиши таъминланиб пайкалларда парваришга жадал киришилмоқда.

И. Сотқинов, туман қишлоқ хўжалиги бўлимининг мева-сабзавотчилик, узумчилик, полизчиликни ривожлантириш бўйича мутахасси