1. Бош сахифа
2. Янгиликлар

ВАТАНИМИЗ ҲИМОЯЧИЛАРИ ШАРАФЛАНДИ

×

Бугун Тошлоқ туман ҳокимлиги томонидан “Олтин водий” тантаналар мажмуасида Ўзбекистон Республикаси Қуролли Кучларининг 28 йиллиги ҳамда 14 январь - Ватан ҳимоячилари куни муносабати билан мудофаа бўлими ходимлари учун байрам тадбири ташкиллаштирилди. Тантанали маросимда ҳарбий хизматчилар, заҳирадаги офицерлар, жамоат ташкилотлари вакиллари иштирок этдилар.

Муҳташам тантаналар мажмуасида ёзилган байрамона дастурхон атрофида ҳарбийлар билан бирга уларнинг оила аъзолари иштирок этди. Тадбир аввалида туман “Нуроний” жамғармаси раиси Ў.Каримов, туман прокурори А.Худойбергановлар тадбир иштирокчиларини самимий қутлашди. Туман Маданият бўлими ҳамда “Райҳон” ашула ва рақс халқ дастаси томонидан тайёрланган бадиий чиқишлар тадбирга янада байрамона кайфият бахш этди.

Давлатимизнинг мудофаа қудратини янада юксалтириш, миллий хавфсизликни ва давлат чегаралари дахлсизлигини таъминлаш, ёшларни миллий истиқлол ғояси ва Она Ватанга садоқат руҳида тарбиялашга муносиб ҳисса қўшаётган ҳарбийларнинг бир гуруҳи фахрий ёрлиқ ҳамда қимматбаҳо эсдалик совғалари билан рағбатлантирилди. 

Тошлоқ туман ҳокимлиги Ахборот хизмати.