1. Бош сахифа
2. Янгиликлар

ҲАМИША ЭЪЗОЗДАСИЗ, АЗИЗ АЁЛЛАР!

×

Туманимиздаги “Турон” тантаналар мажмуасида 8 март — Халқаро хотин-қизлар куни байрами муносабати билан туманимиз тараққиёти, турмушимиз ободлиги ва халқимиз фаровонлигини юксалтиришда ҳиссаларини қўшаётган хотин-қизларни, ўзларининг касбий маҳорати ва намунали ҳаёт йўли билан барчага ўрнак бўлган фаҳрий аёлларни шарафлаш, уларни рағбатлантириш мақсадида байрам тадбири ташкил қилинди. Ушбу тадбирга самарали ва фаол меҳнат қилган аёллар ва қизларимиз таклиф этилди.

Тадбирни туман прокурори А.Худойберганов ва туман ҳокимлиги вакили Ў.Каримовлар очиб, йиғилганларни байрам билан муборакбод этишди. Тадбир аввалида туман ҳокими Ш.Абдусаломовнинг туманимиздаги хотин-қизларга байрам муносабати билан йўллаган табриги ўқиб эшиттирилди.

Шунингдек, туман ҳокимлиги вакиллари томонидан куни кеча “Мўътабар аёл”  кўкрак нишони билан тақдирланган Зебихон Рустамова, 21-мактабгача таълим муассасаси тарбиячиси Татьяна  Макаровна, “Энг намунали фермерлар оиласи” танлови ғолиби бўлган Меҳнатобод маҳалла фуқаролар йиғини раиси ўринбосари Муқаддамхон Мамадалиева ҳамда бир қатор фаол хотин-қизларга фаҳрий ёрлиқ ва эсдалик совғалари топширилди.

Тадбирда сўзга чиққан фаоллар мамлакатимизда, хусусан туманимизда хотин-қизларга берилаётган эътибор, яратилаётган шарт-шароитлар ҳақида тўхталишиб, туманимизнинг ижтимоий-иқтисодий ривожланишида билим ва салоҳиятларини аямасликларини таъкидлаб ўтишди.

Байрам дастури туман маданият бўлими ва “Райҳон” ашула ва рақс халқ дастасининг хушовоз хонандалари ижросидаги куй-қўшиқлар ва мунис аёллар, лобар қизларнинг шўх-шодон рақслари билан янада завқли ўтди.

Тошлоқ тумани ҳокимлиги Ахборот хизмати.