1. Bosh sahifa
2. Yangiliklar

ENG AZIZ BAYRAMGA TARADDUD

×

Ayni kunlarda tumanimizda mustaqilligimizning 31 yilligini munosib kutib olish maqsadida hududlarda keng qamrovli obodonlashtirish, ko‘kalamzorlashtirish tadbirlari amalga oshirilmoqda.

         Xususan, tumandagi barcha mahalla fuqarolar yig‘inlarida bu kabi sa’y-harakatlar yuqori kayfiyatda o‘tkazilmoqda. Fuqarolar o‘zlari yashab turgan xonadon, ko‘cha va mahalla hududini obodonlashtirish, ahil-inoqlik bilan xashar yo‘li bilan qabristonlarni tozalash ishlarida faol ishtirok etmoqdalar. 

         Tumandagi Xonaqa MFYda ham bayramga tayyorgarlik ishlari ko‘tarinki ruhda bo‘lib o‘tmoqda. Shu kunga qadar ko‘cha bo‘ylariga ekilgan dov-daraxtlarga shakl berish, oqlash, uylarning fasad qismlarini ta’mirlash, so‘lim gulzorlar barpo etish ishlari jadal olib borilmoqda. Mahallada bunyodkorlik ishlari ham bajarilmoqda. Hududdagi 4 ta ko‘chada 18 km.lik   toza ichimlik suvi tarmog‘ini tortish ishlari yakuniga yetkazilmoqda. Jami  9 km masofadagi ichki yo‘llarda asfaltlashtirish jarayoni boshlash arafasida. “Obod mahalla” dasturi bo‘yicha 2 ta qo‘shimcha transformator qo‘yilib 2 ta suv  qudug‘i ochilib toza ichimlik suvi chiqarish ishlari olib borilmoqda. Dastur bo‘yicha eski elektr simyog‘ochlar o‘rniga yangi temir-beton simyog‘ochlar almashtirilib mahalla ko‘chalari to‘liq yoritish chiroqlari bilan ta’minlandi. 

        Bir so‘z bilan aytganda bugun mahallalarda kechayotgan ulkan o‘zgarishlardan xalqimiz bayramni shukuronalik bilan qarshi olmoqdalar.