Yuridik va jismoniy shaxslar tomonidan veb sayt orqali bo'lgan murojaatlar
Jami murojaatlar: 38Ishonch telefoni statistikasi
“VAHOBJON OTA KO‘RKI” FERMER XO‘JALIGI PAXTA TAYYORLASH SHARTNOMA REJASINI ZIYODI BILAN UDDALADI.
2022-10-05 19:24:17 274
Jami 30 gektar paxta yer maydonlarida shu kungacha 123 tonna paxta terib olinib reja birinchi terimning o‘zidayoq bajarildi.
Birinchi terimda har gektar yerdan 40 syentnerdan hosildorlik olishga erishdik, -deydi xo‘jalik rahbari Shaxobiddin Umarov.- Har kuni 70-100 nafar terimchi paxta terimiga jalb etildi. Terimchilarga paxta dalalarda barcha shart-sharoitlar yaratib bermoqdamiz. Terilgan paxtaga o‘z vaqtida to‘lovlar amalga oshirildi. Har kilo paxta uchun 1700 so‘mdan terim puli berilmoqda. Hali paxta dalalarida hosil mo‘l, terim sur’atini pasaytirmasdan paxtani yig‘ib-terib olmoqdamiz.
Bugun fermer xo‘jaligida terimchilar uchun taqdirlash marosimi tashkil etildi. Tadbirda paxta terim mavsumida ilg‘or qatnashganlarga qimmatbaho sovg‘alar hamda pul mukofotlari topshirildi.
