Bugungi kunda yurtimizning barcha joylarida bo‘lgani kabi Toshloq tumanida ham ulkan bunyodkorlik va qurilish ishlari olib borilmoqda. Tuman elektr ta’minoti korxonasi tomonidan aholiga uzluksiz elektr energiyasini yetkazib berish hamda tarmoqdagi muammolarning oldini olish chora-tadbirlariga alohida e’tibor qaratmoqda. Ob-havoni keskin sovushi tabiiyki, elektr energiyasiga bo‘lgan talabni ham kuchaytiradi. Shu nuqtai nazardan korxona tomonidan aholi yashash punktida elektr uzatish tarmoqlari va transformator punktlari ta’mirdan chiqarilmoqda. Ayni kunlarda Xo‘jaariq MFYdagi O‘rda ko‘chasida elektr energiyasi tarmog‘ida ta’mirlash ishlari ketmoqda. Havo tarmoqlari uchun 32 dona temir-beton ustunlari o‘rnatilib, xonadonlar elektr energiyasi ta’minoti yaxshilanmoqda.
