Ma’lumki, joriy yilda Toshloq tumanida suv ta’minoti tizimini yanada yaxshilash hamda aholiga sifatli va xavfsiz ichimlik suvi yetkazib berish borasida tizimli ishlar amalga oshirildi. Natijada tumanning eng olis va chekka qishloqlariga ham toza ichimlik suvi yetkazib berilib, aholi muammolari hal etilmoqda. Ayni kunlarda tumanda ichimlik suvi ta’minotini yaxshilash borasidagi sa’y-harakatlar jadal sur’atlarda olib borilmoqda. Yakkavut MFY hududida joylashgan 28-umumta’lim maktabiga hamda 100 dan ortiq xonadonlarga ichimlik suvi quvurlarini tortish ishlari olib borilmoqda.
