1. Bosh sahifa
2. Yangiliklar

“AYOL-MEHR, SADOQAT, TARAQQIYOT TIMSOLI” SHIORI OSTIDA MADANIY-MA’RIFIY TADBIR O‘TKAZILDI

×

Toshloq tumanidagi 2-sonli umumta’lim maktabida  tuman hokim o‘rinbosari, oila-xotin-qizlar bo‘limi boshlig‘i U.Marasulova, tuman adliya bo‘limi boshlig‘i  Ya.Zulfiqorov hamda tuman FXDYO  bo‘limi mudirasi N.Rizayeva, IIB xotin-qizlar bo‘yicha ishlash  inspektori N.Alijonovalar hamda tumandagi  MFY faollari ishtirokida  “Ayol-mehr, sadoqat, taraqqiyot timsoli”  shiori ostida  madaniy-ma’rifiy tadbir  bo‘lib o‘tdi.
 Dastlab, tadbirni tuman hokimi oila va xotin-qizlar bo‘limi boshlig‘i U.Marasulova ochdi va so‘zni tuman IIB xotin-qizlar bo‘yicha inspektori N.Alijonovaga berdi. “Aldanib qolmang”, “Oila muqaddas dargoh” mavzularda  N.Alijonova  hududimizdagi oilaviy ajrimlarni oldini olish yuzasidan fikr-mulohazalarini bildirdi.
Taklif qilingan tumandagi  MFYlardagi “Oqila ayollar” harakati  yetakchilari,  maktab o‘quvchi va o‘qituvchilari, maktabgacha ta’lim muassasalarining tarbiyachi xodimlari hamda tashkilot va korxonalarning ayol xodimalari tashkil etilgan ko‘ngilochar  dasturlardan bahramand bo‘ldilar. Taniqli san’atkorlarning kuy-qo‘shiqlari barcha ishtirokchilarga ko‘tarinki kayfiyat bag‘ishladi.