1. Bosh sahifa
2. Yangiliklar

“QANJIRGʻA” MFY AHOLISI TOZA ICHIMLIK SUVI BILAN TA’MINLANDI

×

Mahalla ahli necha yillardan buyon orziqib kutgan toza ichimlik suvi xonadonlarga yetib keldi. Mahallaning Furqat ko‘chasida yangi suv qudug‘i qazildi, suv minorasi, suv nasosi hamda transformator o‘rnatilib, 5 km 300 metrga suv tarmog‘i tortildi.
Asosiysi, suv minorasi oldida tozalov (filtr) qurilmasi ham o‘rnatildi. Bu ishlar uchun respublika byudjetidan 2 mlrd. 649 million so‘m mablag‘ sarflandi. Natijada MFY hududidagi 739 ta xonadonning 500 tasi toza ichimlik suvi bilan ta’minlandi. 
– Qarangki, necha yillik muammomiz hal bo‘lib, ko‘chamizga ichimlik suvi keldi, – deydi Furqat ko‘chasida yashovchi fuqaro Abduhamid Abdullayev. – Shu kunga qadar 5-6 chaqirim masofadan mashinalarda olib kelib ichar edik.