1. Bosh sahifa
2. Yangiliklar

TUMAN HOKIMI ABDUQAHHOR DJURABAYeV TOSHLOQ TUMANI XALQINI BAYRAM BILAN TABRIKLADI

×

Bayram tadbirida so‘z olgan Toshloq tumani hokimi Abduqahhor Djurabayev barcha toshloqliklarni mustaqillikning o‘ttiz ikki yillik bayrami bilan samimiy muborakbod etib, mustaqillik yillarida yurtimizda, xususan, Toshloq tumanida bunyodkorlik, sanoat, qishloq xo‘jaligida hamda barcha sohalarda xalqimiz turmush farovonligini yuksaltirish borasida keng ko‘lamli ishlar amalga oshirilganligini ta’kidlab o‘tdi.
Tumanda ta’lim, sog‘liqni saqlash sohalarini rivojlantirish, “Ayollar daftari”, “Yoshlar daftari”ga kiritilgan fuqarolar bilan ishlash, aholi bandligini ta’minlash borasida ham e’tiborga molik ishlar olib borilmoqda. 
Umuman, toshloqliklar mustaqillikning o‘ttiz ikki yillik to‘yini o‘ziga xos yutuqlar bilan nishonlamoqdalar, -deydi tuman hokimi tabrik so‘zidi.