1. Bosh sahifa
2. Yangiliklar

TOSHLOQ TUMANI OBODONLASHTIRISH BOSHQARMASIGA YANGI MAXSUS TEXNIKALAR AJRATILDI

×

Tumanimiz hududlarini toza va obod etishda Obodonlashtirish boshqarmasining mehnat jamoasini hissasi beqiyosdir. Ushbu soha xodimlari har kuni erta tongda mehnatga kirishib, ko‘cha va hiyobonlarni tartibga solib, saramjon-sarishta qilmoqdalar.   
O‘z o‘rnida obodonlashtirish boshqarmasi xodimlariga munosib sharoitlar yaratish maqsadida tuman hokimligi tomonidan bir qator amaliy yordamlar ko‘rsatilmoqda. Keyingi yillarda korxonaning moddiy-texnika bazasi mustahkamlandi. 
Kuni-kecha tuman hokimi Abduqahhor Djurabayev boshqarma xodimlariga yangi texnikalarning kalitlarini topshirdi. Boshqarmaga yangi yuk tashuvchi hamda suv sepuvchi mashinalar taqdim etildi. Berilgan yangi texnikalarning qiymati salkam 1 milliard so‘mni tashkil etadi. 
Endilikda ushbu transport vositalari nafaqat tuman markazi, balki chekka qishloqlarda olib borilayotgan keng ko‘lamdagi obodonlashtirish ishlarida ham xizmat ko‘rsatadi.