1. Bosh sahifa
2. Yangiliklar

QIShDA QULUPNAY PIShDI: BIR MAVSUMDA 30 MILLION SOʻM DAROMAD

×

Gʻiyosbek Tursunov bir qancha muddat Rossiya federasiyasida ishlab vatan qadri, oila sogʻinchini his qilganlardan. Oʻz yurtiga qaytgan Gʻ. Tursunov “Xoʻjaariq” mahalla fuqarolar yigʻini hokim yordamchisi Qahramon Ahmedovning tavsiyasi bilan imtiyozli kreditdan 30 million soʻm olib yashash xonadonida boʻsh turgan 8,5 sotixli er maydonida ikkita issiqxona barpo etdi. Issiqxonada qishda ham qulupnay etishtirishni yoʻlga qoʻydi. 
Ikkita issiqxonaga jami 6400 tup koreyaning “MaeHyang” va Evropaning “Clery” navli qulupnay koʻchatlari avgust oyining oxirlarida ekilgan. Noyabr oyi oʻrtalarida 3,5 sotixli issiqxonadagi koreyaning “MaeHyang”  navli qulupnayi pishib etilib ilk daromadini berishni boshladi. Evropaning “Clery” navli qulupnay koʻchatlari esa 5 sotixli issiqxonada pishib etilishi uchun alohida parvarishlanmoqda. (https://t.me/toshloq_axborot_xizmati)
—Qilgan mehnatlarimiz samarasi bugungi kungacha 30 millionga yaqin daromad oldik. Issiqxonada qulupnay yana pishib etilmoqda. Olgan daromadlarimiz hisobiga issiqxonada issiqliq tizmini tashkillab, qulupnay navlarini koʻpaytirish evaziga moʻl hosil olib daromadimizni yanada oshiramiz,—deydi Gʻ. Tursunov.