1. Bosh sahifa
2. Yangiliklar

Toshloqda “Mahalla tizimi xodimlari kuni” munosabati bilan bayram tadbiri tashkil etildi.

×

Unda sektor rahbarlari, mahalla tizimida faoliyat yuritib kelayotgan xodimlar, nuroniylar, mahalla faollari ishtirok etdilar.
Tadbirda so‘z olganlar barcha mahalla faollarini bayram bilan samimiy muborakbod etdilar. Mahallalar ravnaqi va farovonligi yo‘lida olib borayotgan kelgusi faoliyatlarida omad tiladilar.
Bugungi kunda tumanda 51 ta MFYlar faoliyat yuritib, har bir oilada va butun jamiyatimizda ijtimoiy-ma’naviy muhitni mustahkamlash, yosh avlodni ham ma’nan, ham jismonan barkamol etib tarbiyalash, oilaviy nizolarning oldini olish kabi ko‘plab vazifalarni sharaf bilan bajarib kelmoqdalar.
Bayram tadbirida mahalla faollari va maslahat kengashi a’zolarining bir guruhiga tuman hokimining tashakkurnomalari va esdalik sovg‘alari topshirildi.
Tadbir doirasida bayram dasturxoni yozildi va tuman madaniyat bo‘limi ijodkorlari tomonidan kuy-qo‘shiqlar ijro etilib, yig‘ilganlarga bahoriy kayfiyat ulashildi.