1. Бош сахифа
2. Янгиликлар

ЗАКОВАТЛИЛАР САРАЛАНМОҚДА

×

Маълумки, жорий йилнинг 12 сентябрида умумтаълим мактаб ўқувчилари ўртасида “Заковат” интеллектуал ўйинининг туман, шаҳар босқичларига старт берилди.
       Тошлоқ туманида Ёшлар ишлари агентлиги ҳамда "Zakovat intellektual klubi" ННТ билан ҳамкорликда “Заковат” интеллектуал ўйини ўтказилмоқда. "Заковат" интеллектуал ўйинининг туман босқичида тумандаги мактаб ўқувчилари иштирок этмоқда.
       Ўйин қоидаларига кўра, биринчи турда барча жамоалар иштирок этдилар. Жамоалар баллари тўғри берилган жавобларга кўра ҳисоблаб чиқилди. Турнирни очиқ ва шаффоф ўтказиш, жамоаларни кузатиб туриш мақсадида, бетараф назоратчилар танлаб олинди.
    Айни дамда тумандаги 2-умумтаълим мактабида “Заковат” интеллектуал ўйинлари кўтаринки руҳда давом этмоқда.
         Эслатиб ўтамиз, “Заковат” интеллектуал ўйинининг республика босқичида (1-3-ўринлар) ғолиб бўлган жамоа аъзоларига амалдаги тартиб бўйича бир йил давомида “Заковат стипендияси” тўлаб борилади. Шунингдек, ғолиб ва совриндор (1-3-ўринлар) бўлган жамоа аъзолари олий таълим муассасаларининг тегишли таълим йўналишларига базавий тўлов контракт асосида имтиҳон синовларисиз қабул қилинади.