1. Бош сахифа
2. Янгиликлар

“КОНИЗАР” МАҲАЛЛАСИДАГИ 5 ТА КЎЧАДА АСФАЛЬТ ҚИЛИНМОҚДА

×

Аввал хабар берганимиздек, Президентимизнинг "2022-2023 йилларда маҳаллалар инфратузилмасини янада яхшилаш бўйича қўшимча чора-тадбирлар тўғрисида"ги 408-сонли Қарори доирасида Тошлоқ туманидаги маҳаллаларида бунёдкорлик ишлари жадал суръатларда олиб борилмоқда. 
Аҳолини кўп йиллардан буён қийнаб келаётган муаммолар ичимлик суви, электр таъминотини яхшилаш ҳамда йўлларни таъмирлаш масалалари бугун ўз ечимини топмоқда. Айни кунларда тумандаги маҳаллаларда 408-қарорга кўра, ичимлик суви тармоқларини тортиш ҳамда ички йўлларни асфальтлаш ишлари бажарилмоқда. Аҳолига қулайлик яратиш мақсадида, туман йўллардан фойдаланиш унитар корхонаси йўлсозлари томонидан “Конизар” МФЙдаги 5 та кўчанинг 6,2 км.лик ички йўлларида асфальтлаш ишлари олиб борилмоқда.
Ушбу кўчаларни таъмирлаш учун қарор асосида Давлат бюжетидан 1 миллиард 176 миллион сўм маблағ ажратилган.