1. Бош сахифа
2. Янгиликлар

ТОШЛОҚДА НАВРЎЗ ШУКУҲИ

×

Бугун туман марказий ўйингоҳида бўлиб ўтган сайилларда спорт ўйинлари, лапару айтишувлар, айниқса, ўлмас қадриятларимизни намойиш этишга кенг ўрин берилди.
Кексалар тўкин дастурхон атрофида ўтириб, юртимиз тинчлиги, фарзандларимиз омонлиги, деҳқончилигимиз баракаси учун дуога қўл очдилар.
Байрам тантанасида Тошлоқ тумани ҳокими Абдуқаҳҳор Джурабаев сўзга чиқиб, туман аҳолисини юртимизга қутлуғ қадамлар билан кириб келган баҳор, яшариш ва янгиланиш айёми — Наврўзи олам билан чин қалбдан самимий муборакбод этди.
Шундан сўнг, байрам иштирокчилари учун концерт дастури намойиш этилди. Айниқса, халқимиз суйган санъаткорлари Илхом Иброхимов, Отабек Мухаммадзохидларнинг дил тортар куй ва қўшиқлари ҳамда сўз устаси Ғайрат Аҳмедовнинг чиқишлари барчага байрам кайфиятини улашди.