1. Бош сахифа
2. Янгиликлар

“ПОЛВОНЛАРИ КЎП ЮРТ – ҚУДРАТЛИ БЎЛУР!”

×

Ёшлар ва уюшмаган ёшларни бўш вақтини мазмунли ташкил этиш, жиноятчиликни олдини олиш, соғлом турмуш тарзини шакллантириш, ёшларни жисмонан соғлом ва ҳар томонлама баркамол қилиб вояга етказиш мақсадида “Миллий кураш" мусобақаси маҳаллаларда ёшлар фаоллигида бўлиб ўтмоқда.   
Бугун Тошлоқ туманидаги “Хонариқ” МФЙда “Полвонлари кўп юрт – қудратли бўлур!” шиор остида спортнинг кураш тури бўйича туман прокурори соврини учун маҳаллалар босқичига старт берилди.
Мусобақа очилишида туман ҳокими Абдуқаҳҳор Джурабаев ҳамда туман прокурори Шухратжон Мусаевлар спортчи ёшларга “Бош прокурор кубоги”нинг маҳалла босқичидаги мусобақаларига омадлар тилади.
Туман прокурори ташаббуси билан мусобақа ғолиблари жами 30 миллион сўмлик қимматбаҳо совға буюмлар ҳамда 30 миллион сўм миқдоридаги пул мукофотлари билан тақдирланиши эълон қилинди.
Маҳаллалар кесимида ўтказилаётган мусобақаларда 14 ёшдан 30 ёшгача тоифасидаги йигит-қизлар “Бош прокурор кубоги” учун беллашдилар.