Юридик ва жисмоний шахслар томонидан веб сайт орқали бўлган мурожаатлар
Жами мурожаатлар: 38Ишонч телефони статистикаси
ТОШЛОҚ ФАРЗАНДИ ТОШКЕНТ АМАЛИЙ ФАНЛАР УНИВЕРСИТЕТИГА ГРАНТ АСОСИДА ЎҚИШГА ҚАБУЛ ҚИЛИНДИ.
2022-06-07 17:28:23 164
Тошлоқ туманидаги 1-ИДУМИда таҳсил олган Тоҳирбек Тўланов Жиззах вилоятида ўтказилган Республика фан олимпиадасида фахрли 5-ўринни эгаллаб Тошкент амалий фанлар Университетига ўқишга қабул қилинди ҳамда 80 млн. сўм грант маблағини ютиб олди. Шу муносабат билан куни-кеча Тошлоқ туман ҳокими Абдуқаххор Джурабоев ажратилган грант маблағлари ҳамда Халқ таълими вазирлигининг махсус сертификатларини Тоҳирбек Тўлановнинг онасига топширди. Туман ҳокими Т.Тўлановнинг эришган улкан ютуқлари билан табриклади. Фарзандининг илм-фандаги ютуқлари учун ўз миннатдорчилигини билдириб ўтди.
Тоҳирбек Тўланов бундан ташқари нуфузли "Халқаро математика олимпиадаси" (ИМО) нинг саралашнинг I ва II босқичларида ғолиб бўлиб III босқичига йўлланмани қўлга киритди. Якуний натижаларга кўра, Т.Тўланов Халқаро олимпиада иштирокчисига айланди. У ҳозирда 2022 йилнинг 6-16 июль кунлари Норвегия давлатида ўтказиладиган 63-Халқаро математика олимпиадасида иштирок этиш учун Республика терма жамоаси сафида тайёргарлик кўрмоқда.
Республика олимпиадасидаги муносиб иштироки билан Тоҳирбекни ва унинг ота-онасини ҳамда барча фидоий устозларини табриклаймиз ва келгуси фаолиятида муваффақиятлар тилаб қоламиз.
