1. Бош сахифа
2. Янгиликлар

ТОШЛОҚ ТУМАНИДА БАҲОРГИ ДАЛА ИШЛАРИДА ҚАТНАШАДИГАН ҚИШЛОҚ ХЎЖАЛИГИ ТЕХНИКАЛАРИНИ ТЕХНИК СОЗ ҲОЛАТГА КЕЛТИРИШ ИШЛАРИ ЖАДАЛЛИК БИЛАН ОЛИБ БОРИЛМОҚДА.

×

     Тошлоқ туманида баҳорги дала ишларида қатнашадиган барча техникаларни марказлашган ҳолда, сифатли керакли эҳтиёт қисмлар билан таъминланиши ҳамда қўлбола эҳтиёт қисмлардан фойдаланмаслик, шунингдек, жойларда ишларни ўз вақтида ҳамда сифатли ташкил қилиниши юзасидан “Ўзагроинспекция”нинг туман бўлими инспекторлари томонидан тизимли ишлар амалга оширилмоқда.
    Инспекция ходимлари ҳудудларда баҳорги агротехник тадбирларни сифатли бажарилиши учун қишлоқ хўжалиги техникаларини ҳозирданоқ тайёр ҳолатга келтириб қўйиш, уларнинг техник созлигини қайта кўздан кечириш муҳим омил ҳисобланишини, қишлоқ хўжалигида самарадорликнинг юқори бўлиши учун фермер хўжаликлари замонавий ва соз ҳолатдаги техникалар билан ишлашлари зарурлигини таъкидлаб, зарурий кўрсатмалар бермоқдалар. 
     Айни кунларда инспекция томонидан шай ҳолга келтирилган чопиқ тракторлари, культиваторлар, чигит экиш сеялкалари ва бошқа қишлоқ хўжалиги техникаларининг қай даражада сифатли таъмирдан чиқарилганлиги кўздан кечирилиб, эски эҳтиёт қисмларининг янгисига алмаштирилганлиги, носоз ҳолатга келган деталлардаги камчиликлар бартараф этилгани, техникаларнинг юз қисмида бўёқлаш ишларининг амалга оширилгани кўздан кечирилмоқда. 
     Маълумот учун, бугунги кунда туманда 100 та чопиқ трактори ва культиватор, 35 та чигич экиш сеялкаси, 22 та минерал ўғит сепкичлар, 244 та тишли борона, 17 та дон ўриш комбайнлари мавжуд.  

Равшан МАМАЖОНОВ,“Ўзагроинспекция”нинг Тошлоқ тумани инспектори.