1. Бош сахифа
2. Янгиликлар

БЕСАРАНГНИ ЭРТАПИШАР ҚОВУНЛАРИ ЯҚИН КУНЛАРДА ЭКСПОРТГА ЖЎНАТИЛАДИ

×

Бу йил ҳам маҳалла аҳли 40 гектар ерда экспортбоп қовун навларини парваришлаяпти. Ҳозирда илк ҳосил нишоналари бўй кўрсатиб, қовунлар кундан кунга ривожланмоқда. Миришкорларнинг қайд этишича, серқуёш кунлар бўлиб турса, қовунлар узоғи билан икки ҳафтада пишиб экспортга жўнатилади. 
Бугунги кунда маҳалладаги мингдан ортиқ оиланинг аксарияти ўз томорқасида қовун экади. Кейинги йилларда инновацион ёндашув туфайли аҳоли томорқаларида иссиқхоналар ташкил этилиб, интенсив усулда қовун етиштириш яхши даромад манбаига айланди. Битта оила ушбу тармоқдан ҳар йили ўртача 50-60 миллион сўм даромад олади. Шунингдек, турли сабзавот ва резаворлар кўчатлари етиштириб сотиш ҳам маҳалла аҳлининг қўшимча даромад манбаи ҳисобланади.
Бу йил бесарангликлар 100 тоннадан кўпроқ қовун экспорт қилишни мақсад қилишган.