1. Бош сахифа
2. Янгиликлар

“ЯНГИ ЎЗБЕКИСТОН УЛКАН ИМКОНИЯТЛАР ВАТАНИ” МАВЗУСИДА ЎТКАЗИЛГАН ФЕСТИВАЛ ЁШЛАРДА УНУТИЛМАС ТААССУРОТЛАР ҚОЛДИРДИ

×

Тошлоқ туманидаги 3-сектор ҳудудида жойлашган 9-умумий ўрта таълим мактабида “Янги Ўзбекистон улкан имкониятлар Ватани” мавзусида мактаб ўқувчилари иштирокида ёшлар фестивали бўлиб ўтди. 
Мамлакатимизда баркамол авлод камолоти, ёшларнинг таълим тарбия олишлари, орзу-умидларини рўёбга чиқариш масаласига бугун давлат сиёсати даражасида эътибор қаратилмоқда. Туманимиз ёшлари ҳам берилаётган имкониятлардан кенг фойдаланган холда кўплаб ютуқларни қўлга киритмоқдалар.
Бўлиб ўтган фестивалда ўқувчи ёшлар ўз ютуқларини турли хил кўргазмаларда намойиш этдилар. Тадбир давомида “Гуллар ва қушлар” байрами, “Тасвирий санъат”, “Қўғирчоқ театри” ҳамда  “Бадиий ҳаваскорлик” тўгараги аъзоларининг кўргазмали чиқишлари барчада катта таассуротлар қолдирди. Шунингдек, фестивал доирасида 6-7-синф ўқувчи-қизлари иштирокида каштачилик кўргазмаси ҳам намойиш этилди. Ўқувчилар ўртасида “Ош танлови”, “Заковат” интеллектуал ўйини, спорт мусобақалари ўтказилиб, якунда ёшлар муносиб тақдирландилар.